ករណីស្បែកគ្របក្បាលលិង្គយូរអាចបង្កជារោគរលាកក្បាលលិង្គ
តាមការឲ្យដឹងពីវេជ្ជបណ្ឌិត កាលបើស្បែកគ្របក្បាលលិង្គមិនអាចរួញក្រឡិតបាន ជាពិសេសពេលបត់ជើងតូច ឬពេលលិង្គឡើងរឹង លក្ខណៈបែបនេះអាចហៅបានថាក្បាលលិង្គស្បែកគ្របជិតដែលតម្រូវឱ្យទៅជួប គ្រូពេទ្យធ្វើការវះកាត់ស្បែកក្បាលលិង្គចេញ។
ករណីស្បែកគ្របក្បាលលិង្គយូរអាចបង្កជារោគរលាកក្បាលលិង្គ។ ស្បែកដែលគ្របក្បាលលិង្គមានសភាពក្រហម សើមរអ៊ិចៗ ដែលរំខាន និងរមាស់។ ការរលាកនេះជួនអាចបង្ករោគដោយមេរោគផ្សិតមីកូស ឬទ្រីកូម៉ូណាស។
ជួនកាលការរលាកអាចបណ្ដាលមកពីប្រតិកម្មអាឡែកស៊ីជាមួយសាប៊ូ ថ្នាំសម្លាប់មេជីវិត ឬស្រោមអនាម័យ។ រីឯការខ្វះអនាម័យដែលបណ្ដាលមកពីការលាត់ក្បាលលិង្គលាងមិនបាន និងការដក់ទឹករំអិលផ្លូវភេទក៏អាចបង្កជាការរលាក ឬរមាស់ក្បាលលិង្គនេះដែរ។ ប៉ុន្ដែសូមយល់ដឹងផងដែរថាជួនកាលការរលាកក្បាលលិង្គយូរអាចធ្វើឱ្យ ខូចស្បែកក្បាលលិង្គស្អិតជាប់នឹងក្បាលលិង្គអាចបណ្ដាលជាជម្ងឺ ក្បាលលិង្គស្បែកគ្របជិត៕
ឈឺលិង្គពេលរួមភេទបណ្តាលមកពីអ្វី?
ភាគច្រើននៃមនុស្សដែលមានជីវិតផ្លូវភេទយ៉ាងពេញលេញត្រូវបានគេ
ចាត់ទុកថាជានិមិត្តសញ្ញានៃភាពជោគជ័យ។ ដូច្នេះហើយអ្នកដែលមានជីវិតផ្លូវភេទមិនគ្រាប់គ្រាន់គឺជាមនុស្ស
ដែលកំពុងតែមានបញ្ហាក្នុងជីវិត។ បញ្ហាផ្លូវភេទអាចជារឿងកប់យោបល់ និងអាម៉ាសមុខទាំងបុរស និងស្ត្រី។ សម្រាប់មនុស្សមួយចំនួនអាចធ្វើអោយមានបញ្ហាខាងផ្លូវចិត្ត និងស្តាយក្រោយ ដែលជាអាចក្លាយទៅជារឿងសំខានដល់ទំនាក់ទំនង និងភាពស្និទ្ធស្នាល។ ដូច្នេះតើអ្វីទៅដែលជាបញ្ហាធ្វើអោយដៃគូទាំងពីរនាក់ឈឺចាប់ ក្នុងពេលរួមភេទ?
មានកំណករឹងក្នុងលិង្គ
ការដែលមានកំណករឹងក្នុងលិង្គអាចជារឿងមួយមិនសម្គាល់ទេ ដូច្នេះវាអាចធ្វើអោយលិង្គរមួល និងក្លាយទៅជារឿងមួយដែលគេស្គាល់យ៉ាងច្បាស់ថាផ្តល់ការឈឺចាប់លើ បុរសក្នុងពេលរួមភេទ។
រលាកក្រពេញប្រូស្តាត
ការរលាកក្រពេញប្រូស្តាតអាចក្លាយទៅជាហេតុផលមួយធ្វើអោយហើមនៅគល់ របស់លិង្គ និងខាងក្រោមផ្លោកនោម ដែលជាហេតុរំខានដល់ការនោម និងមានការហូរទឹកនោមចេញ ឬទឹកអ្វីចេញពីបង្ហួរនោមរឹមៗបាន។
ជំងឺស្បែកគ្របក្បាលលិង្គ ព្រមទាំងរឹតកលិង្គ
ការដែលមានបញ្ហាទាំងពីរនេះអាចធ្វើអោយការរួមភេទមានការរំខានជាប់ជានិច្ចចំពោះបុរសគ្រប់រូប។
ការបង្ករោគដោយពពួកផ្សិត
នៅពេលបុរសមានជំងឺបែបនេះ វានឹងធ្វើអោយមានអាការៈឈឺ ឬក្តៅនៅចុងក្បាលលិង្គ។
ជំងឺប៉េស
ការដែលមានជំងឺប៉េសលើប្រដាប់ភេទ ដំបៅនៅលិង្គអាចធ្វើអោយមានការឈឺចាប់ និងភ័យខ្លាចក្នុងពេលរួមភេទជាមិនខាន ដែលជាហេតុនាំអោយអ្នកជំងឺតមមិនព្រមរួមភេទទេ។
ការអនុវត្តរួមភេទ
ការសម្រេចកាមដោយខ្លួនឯង ឬការរួមភេទអាចធ្វើអោយមានការរហែកតិចតួចនៅចុងរបស់លិង្គ ដែលជាហេតុនាំអោយវាក្លាយទៅជាបញ្ហាដ៏ខ្លាំងក្លាបាន៕
Post a Comment